Apne android phone ki speed kaise badhaye aur fast kaise kare ye lagbhag har android user ki samasya rehti hai.
Ham apne phone me calling, messeging, gaming, whatsapp, facebook messeging aur bahut se apps ka use karte hai aur jaise jaise hamari jaroorte badhti jati hai ham apne phone me nayi nayi cheeje add karte jate hai.


Jab hamara phone new rehta hai tab to fast work karta hai but samay ke sath iski speed dheere dheere slow hone lagti hai. To chaliye jante hai android phone ki speed kaise badhaye.

Ham apne phone me bahut si applications rakhte hai jinki samay ke sath sath cache files banti jati hai jo ki ek samay me bahut jyada ho jati hai. aur ye files hamare koi kaam ki nahi rehti hai. to hame apps ki cache files clear karte rehna chahiye. cache file clear karne ke liye ->
Setting > Application Manager me jaye uske baad jis app ka cache clear karna hai usme click kare aur clear cache me click kare.
Samay samay par har app ka cache clear karte rahe. is se mobile ki speed bani rahegi.

Hamare phone me kuch apps ese bhi installed rehte hai jiski jaroorat hame kabhi kabhi padti hai to ham unhe pade rehne dete hai. ese apps ka sd card me backup bana kar uninstall kar dena chahiye. aap inhe jaroorat padne par fir se install kar sakte hai. ye apps hamare phone ki memory aur ram khate hai.
isliye jo bhi apps aapki jaroorat ke na ho unhe uninstall kar de.

Also Read :
       ? Android Phone Factory Reset Karne Se Pehle Kare Ye 5 Steps.
       ? Khoye hue android phone ko trace kaise kare.
       ? Android phone ke liye top 5 internet browser.

3. Sync App Data Disable Kare

Hamare phone me bohot se apps rehte hai jinme se kuch app me sync seva automatic enable rehti hai jaise- whatsapp, messenger, google account etc. aap kuch jaroori apps ko bas sync karke rakhe baki ka disable kar de.

Sync disable karne ke liye setting me jaye uske baad accounts me. aap dekhenge ki apps ke samne sync ka icon bana hua hai use disable kare.

Phone me installed apps background me work karte rehte hai. jis se mobile ki battery aur internet data ki khapat to hoti hi hai sath hi phone ki speed bhi slow hoti hai to apps ko disable karke rakhna chahiye.
Application disable karne ke liye setting > application manager me jaye uske baad jis jis apps ko disable karna ho usme click kare aur disable button me click kare.

Android me aap kisi bhi app ka use karte hai to us app ki phone memory me files bante jati hai aur ye kabhi kabhi itna jyada ho jata hai ki jitne size ka app nahi rehta us se jyada size ki inki files ban jati hai. to hame apps ka data clear karna chahiye. Sabhi apps ka data clear na kare jaise whatsapp. yadi aap whatsapp ka data clear karenge to aapke messeges wagerah sab clear ho jayenge. data ese apps ka clear kare jaise photo editors etc.
App data clear karne ke liye setting > application manager me jaye uske baad jis app ka data clear karna ho usme click kare aur clear data me click kare.